«Арсенал» ярим ҳимоячиси Месут Ўзил Лондонда қолишга тайёр. Бунинг учун германиялик футболчига 10-рақамли футболка тақдим этилиши лозим.
Ҳозирда 11-рақамда ўйнаётган Ўзил айнан 10-рақамни олишни истамоқда. Бу янги шартномада футболчининг маоши оширилиши билан бирга қўшимча шарт ҳисобланади. Ҳозирда "Арсенал"нинг 10-рақамли футболкаси Жек Уилширга тегишли.
Эслатиб ўтамиз, 29 ёшли футболчининг шартномаси 2018 йилнинг ёзида якунига етади. Шу боис, Ўзил "Арсенал"ни эркин агент сифатида тарк этиши мумкин.
Месут Ўзил 2013 йилдан бери «канонирлар» шарафини ҳимоя қилиб келмоқда. Ўшанда у 47 миллион евро эвазига «Реал»дан ўтганди.