Мадриднинг “Реал” клуби ярим ҳимоячиси Мартин Эдегор айни пайтда Голландиянинг “Херенвен” клуби сафида ижара асосида фаолият олиб бормоқда. Футболчи Dagbladet нашрига берган интервьюсида “қироллик клуби” унинг ҳаракатларидан қониқаётгани ҳақида айтиб ўтди.
“Реал” менинг ҳаракатларимдан тўлиқ қониқиш билдиряпти. Улар мени яхши томонларимни кўра олишмоқда, бундан жуда ҳам хурсандман.
Испанияга январда қайтмайман, менимча июнь ойида қайтсам яхши бўлади. Кейин “Реал”даги келажагим ҳақида ўйлайман. Икки йилдан сўнг яхшироқ ўйнашимга ишонаман, менинг олдимда узоқ йиллик фаолият кутиб турибди. Лекин ҳозир ёшман, бу ҳақда ўйлаш учун эрта деб ўйлайман", — дейди Эдегор.
Маълумот учун, 18 ёшли Мартин Эдегор жорий мавсум Голландия чемпионатида 11 учрашувда майдонга тушиб, 1 та голга ассистент вазифасини бажарган.
