Швейцария терма жамоасининг етакчиларидан бири Жердан Шакири ЖЧ-2018 саралаши плей-оффининг биринчи ўйинида Шимолий Ирландия устидан қозонилган ғалабадан сўнг (1:0) фикрлари билан ўртоқлашди.
Белфастда ўтган учрашувда Шакирининг зарбасидан сўнг пенальти белгиланган, бу майдон эгалари мураббийлар штабининг норозилигига олиб келган эди.
"Пенальти бўлганмиди, билмайман. Мен тўпни дарвозага тепдим, тўп Эванснинг қўлига тегдими, буни билмайман. Ҳакамлар пенальти белгиладилар. Бу футбол.
Биз 90 дақиқа тўпни назорат қилдик, Шимолий Ирландиядан бирмунча яхши ўйнадик ва ғалабага ҳақли эдик. Базелда ўтадиган жавоб учрашувини сабрсизлик билан кутамиз", - дейди Шакири.
