Лондоннинг “Челси” клуби собиқ футболчиси Фрэнк Лэмпард “кўклар” Альваро Моратани сотиб олиб яхши ишга қўл уришганини айтиб ўтди.

“Моратанинг ўйинлари ҳақиқатдан ҳар бир кишига ёқади. У имкон бўлганда гол уришга ошиқади. Мората - ажойиб ҳужумчи. Унда юқори даражадаги футболчиларда бўлгани каби барча ҳислатлар бор. Тўп билан яхши ишлай олади, тезлиги ва бош билан ўйнай олишда бошқалардан устун ҳисобланади.

Моратанинг “Манчестер Юнайтед”га урган голи Альварода бош билан ўйнаш қобилияти бошқалардан юқори эканлигини исботлаб берди. Кичик жароҳат олишига қарамай, майдонга қайтиб яна аввалгидек ҳаракат қилишда давом этмоқда. Ўйлайманки, Мората ҳали “Челси” учун жуда катта фойда келтиради”, - дейди Лэмпард.