“Барселона” клуби ҳимоячиси Хорди Альба Испания термасидаги жамоадоши Иско ҳақида ўз фикрларини билдириб ўтди.

Эслатиб ўтамиз, Иско ва Альба 2010-2011 йиллар “Валенсия” клубида биргаликда фаолият олиб боришган.

“Искони узоқ йиллардан бери биламан. У бизнинг асосий рақибмиз “Реал” сафида ўйнаса ҳам  унинг ҳаракатлари мақтовга арзирли. Бироқ Исконинг бошқа жамоада қандай ўйнаётгани ҳозир менга қизиқ эмас.

Агар гап Испания терма жамоаси ҳақида кетадиган бўлса, Иско – доим бир услбда ўйнашга ўрганган.

У ҳозир юқори даражада футбол ўйнаяпти ва дунёнинг энг яхши футболчиларидан бири бўлишга муносиб номзод”, — дейди Альба.