Мадриднинг “Реал” клуби ҳимоячиси Начо Фернандес собиқ жамоадоши Пепенинг “Бешиктош”га ўтиб кетгани ҳақида ўз фикрларини билдириб ўтди.
“Мен кўп нарсани Пепедан ўрганганман. Бизга унинг тажрибаси етишмаяпти. Лекин тўғрисини айтадиган бўлсам, “Реал” ҳозирда марказий ҳимоячилар камлигидан нолимаса ҳам бўлади.
Бизда бу позицияда ўйнаш учун бешта футболчи бор.
Вальехо учун марказий ҳимояда ўйнаш балки қийинчилик туғдириши мумкин, лекин барча билганидек “Реал” таркибида соғлом рақобат ҳали ҳамон давом этмоқда. Таркибимиз ўтган йилгидан кўра кучайган дея олмайман”, – дейди Начо.
