“Чемпионатнинг сўнгги турида, ўз уйимизда мухлисларимизни хурсанд этишни дилимизга туггандик, бунинг уддасидан чиққанимиздан хурсандман.

Бугун айрим чизиқлардаги ўйинчиларнинг фаолиятидан тўлиқ қониқиш ҳосил қилмаган бўлсамда, натижа бизни қаноатлантирди.

Мавсумни кучли ўнталикда якунладик. Бу йил нафақат ўз уйимизда, балки сафар учрашувларида ҳам ҳужумкор футбол кўрсатиб, мухлисларимизга манзур бўлдик, деб ўйлайман.

Яқин кунлар ичида мавсум сарҳисобини қиламиз, янги мавсум режаларини ишлаб чиқамиз, дейди Рустам Тўхтамуродович.

«Металлург» ПФК матбуот хизмати.