Европа Чемпионлар Лигасининг 6-тур доирасида “H” гуруҳида барча учрашувлар якунига етди.

Жумладан ҳашаматли “Сантьяго Бернабеу”да “Реал” “Боруссия”ни 3:2 ҳисобида мағлубиятга учратди.

Германияликлар гуруҳ босқичида учинчи ўринни эгаллаб Европа Лигасига равона бўлишди.

Гуруҳдан кейинги босқичга кўриб турганингиздек “Тоттенхэм” ва “Реал” жамоалари йўлланма олишди.

Параллел ўтган ўйинда “Тоттенхэм” АПОЭЛ дарвозасига учта гол уриш билан чекланди.

Таъкидлаб ўтиш жоизки, мадридликлар сафида чиройли голи билан жамоаси ғалабасига хисса қўшган Роналду ЕЧЛ гуруҳ босқичида янги рекорд ўрнатди.

Гап шундаки, 32 ёшли португалиялик футболчи ЕЧЛ гуруҳ босқичининг барча 6 учрашувида гол урган ягона футболчига айланди.

Роналдунинг ҳисобида 6 та ўйинда урилган 9 та гол бор. У АПОЭЛга 4 та, “Тоттенхэм”га 2 та “Боруссия” дарвозасига эса 3 та гол урди.

“H” гуруҳи.

Реал Мадрид Испания – Боруссия Д Германия 3:2 (2:1, 1:1)

Голлар: 1:0 – 8 Майораль, 2:0 – 12 Роналду, 2:1 – 43 Обамеянг, 2:2 – 48 Обамеянг, 3:2 – 81 Васкес.

Реал Мадрид – Навас, Варан (Асенсио, 38), Тео, Начо, Рамос, Ковачич (Себальос, 58), Каземиро, Иско (Льоренте, 69), Васкес, Роналду, Майораль.

Боруссия Д – Бюрки, Суботич, Шмельцер, Геррейру, Папастатопулос, Пулишич, Шахин (Вайгль, 65), Кагава (Ярмоленко, 90), Дауд, Бартра (Топрак, 80), Обамеянг.

Огоҳлантиришлар: Бартра (16).

***

Тоттенхэм Англия – АПОЭЛ Кипр 3:0 (2:0, 1:0)

Голлар: 1:0 – 20 Льоренте, 2:0 – 37 Сон Хён Мин, 3:0 – 80 Нкуду.

Тоттенхэм – Ворм, Фойт, Санчес, Орье, Роуз (Уокер-Питерс, 70), Алли (Стерлинг, 88), Сиссоко, Уинкс, Нкуду, Льоренте, Сон Хён Мин (Дембеле, 65).

АПОЭЛ – Перес, Вурос, Руэда, Лаго, Карлао, Алонефтис (де Камарго, 75), Захид, Винисиус (Шаллаи, 46), Нуну Мораиш, Эбесилио, Поте (Антониу, 81).

Огоҳлантиришлар: Орье (64), Роуз (67), Шаллаи (68), Руэда (83).