Лондоннинг “Челси” жамоаси бош мураббийи Антонио Конте ҳужумчи Миши Батшуайи билан орасидаги муносабатлар ҳақида гапирди.

“Миши жароҳатидан кейин сафга қайтмоқда. У икки ҳафта ўйинларда қатнашмади. Энди Миши юқори спорт формасига қайтиши учун қаттиқ ишлаши керак.

Айни дамда у яхши ҳолатда ва “Борнмут” билан учрашувнинг асосий таркибида майдонга тушиши мумкин.

Ҳар бир учрашувда мен таркиб борасида оптимал қарор чиқаришим керак. “Хаддерсфилд” билан учрашувда биз 3:1 ҳисобида ғалабага эришдик. Ўйлайманки, ўшанда тўғри қарор чиқарганман. Шунингдек, “Саутгемптон”га қарши баҳсда ҳам шундай бўлган.

Биз худди ўтган мавсумдагидек таркибда Азар, Педро ва Виллиан каби футболчилар бўлганида доимий ғалабага эришяпмиз.

Мишини унутиб бўлмайди. Барчаси оддий. У Мората ёки Азардан кучли эканлигини исботласин”, - дейди Конте.