Londonning “Chelsi” jamoasi bosh murabbiyi Antonio Konte hujumchi Mishi Batshuayi bilan orasidagi munosabatlar haqida gapirdi.
“Mishi jarohatidan keyin safga qaytmoqda. U ikki hafta o‘yinlarda qatnashmadi. Endi Mishi yuqori sport formasiga qaytishi uchun qattiq ishlashi kerak.
Ayni damda u yaxshi holatda va “Bornmut” bilan uchrashuvning asosiy tarkibida maydonga tushishi mumkin.
Har bir uchrashuvda men tarkib borasida optimal qaror chiqarishim kerak. “Xaddersfild” bilan uchrashuvda biz 3:1 hisobida g‘alabaga erishdik. O‘ylaymanki, o‘shanda to‘g‘ri qaror chiqarganman. Shuningdek, “Sautgempton”ga qarshi bahsda ham shunday bo‘lgan.
Biz xuddi o‘tgan mavsumdagidek tarkibda Azar, Pedro va Villian kabi futbolchilar bo‘lganida doimiy g‘alabaga erishyapmiz.
Mishini unutib bo‘lmaydi. Barchasi oddiy. U Morata yoki Azardan kuchli ekanligini isbotlasin”, - deydi Konte.
