Лондонинг “Арсенал” клуби ярим ҳимоячиси Алекс Ивоби Англия кубогида “Ноттингем Форест”га қарши ўйин олдидан тунги зиёфатга боргани маълум бўлди.
Хабарларга кўра, Ивоби туннинг ярмигача зиёфатда бўлган. Бу ҳақда ижарага олинган уйдаги қўшни хонадонлари хабар беришди. Улар кучли ашула овозидан шикоят қилиш учун Ивоби жойлашган уйга боришганида хонада тартибсизлик ва бўш спиртли ичимликлар идишларини кўришган.
Эслатиб ўтамиз. Алекс “Ноттингем Форест”га қарши ўйин (2:4) да тўлиқ 90 дақиқа ҳаракатланди. Аммо ўйин натижасига ҳеч қандай ўзгариш киритолмади.
