“Арсенал” ярим ҳимоячиси Жек Уилшернинг “Челси”га қарши учрашув (0:0) да олган жароҳати жиддий бўлиб чиқмади. 26 ёшли Уилшир ўйиннинг 57-дақиқасида алмаштирилганди.
“Мени қўллаб турган барчага миннатдорчилигимни билдираман. Яхши хабар шуки, икки кундан кейин яна футбол ўйнай олишим мумкин”, – дея ёзди Уилшер твиттердаги саҳифасига.
Ўйиндан сўнг “Арсенал” бош мураббийи Арсен Венгер Уилшир тўпиқ суягидан жароҳат олгани ва 14 январь куни АПЛнинг 23-туридан ўрин олган “Борнмут”га қарши учрашувда майдонга тушиши ҳақида аниқ маълумот бермаганди.
