Лондонинг “Челси” клуби дарвозабони Тибо Куртуа “Лестер”га қарши ўйин (0:0)дан сўнг учрашув ҳақида фикрларини билдириб ўтди.

“Лестер” сўнги дақиқаларда ўн киши бўлиб ўйнади, лекин биз бу имкониятдан фойдалана олмадик. “Лестер” ўйинни 70–дақиқасигача яхши ўйин намойиш қилди. Бу ўйинда “Челси”нинг омади келмади. Рақиб жамоага келсак, улар бизга кўра яхшироқ ҳимояланишди. Гол ўтказиб юбормаганимиз яхши бўлди. Уларда жуда кўп голга тортадиган вазиятлар бўлди, аммо бундан фойдалана олишмади. Тўғрисини айтсам биз чарчаб қолдик.

Ўйин натижасини ушлаб турганимизнинг ўзи ҳам катта ирода. “Саутгемптон” ёки “Сток” каби жамоалар “Стэмфорд Бриж”га келиб ҳимоявий ўйин кўрсатишади. Биз эса бундай ўйинларга тез киришиб кета оламиз.

“Лестер” эса бизга босим уюштирди, бошида бу босимга кўника олмадик. Аммо ўйин яна ўз изига қайтди. Гол ўтказиб юбормаган ўйинларимизда ҳимоямиз яхши ўйнайди. Лекин ҳужум чизиғи бироз оқсаяпти. Бироз меҳнат қилишса, ҳаммаси яхши бўлиб кетади. Ишонинг битта гол уриб олсак, қолгани голлар шоуси бўлади бунга кафолат бераман”, - дейди Куртуа.