«Арсенал» клуби бош мураббийи Арсен Венгер «тўпчиларнинг» азалий рақиби - «Манчестер Юнайтед» клубига ҳурматини изҳор қилди.

Яқин кунларда «Арсенал» клубининг етакчиси фаолиятини «Манчестер Юнайтед» сафида давом эттиради. Санчесга «Манчестер Сити» ҳам қизиқиш билдирган эди, аммо «Юнайтед» уларнинг таклифидан яхшироқ келишувга эришди.

Янги клубда чилилик футболчи ҳафтасига 500 минг фунт маош олади. Тўғри, бу маблағнинг ярми солиқларга кетади.

Венгернинг фикрича, «Манчестер Юнайтед» клуби футболчиларга шундай маблағ таклиф қилишга ҳақли.

«Мен қандайдир рақамлар ҳақида гапиргим йўқ, бу «Манчестер Юнайтед» клубининг муаммоси. Мен «МЮ»ни ҳурмат қиламан, чунки улар футболчиларга тўлайдиган пулни ўзлари ишлаб топади.

«Юнайтед» молиявий ишларини яхши бошқаради. Майдонда ҳам яхши ўйин кўрсатишади. Шундай экан улар тўлаган пуллар мени ҳавотирга қўймайди», - дейди Венгер.