«Барселона» клуби Туркиянинг Beko компанияси билан ҳамкорлик шартномасини узайтирди.
Томонлар уч йиллик шартнома имзолаганлар. Келишув шартларига кўра каталонияликлар клуби ушбу вақт давомида 57 млн евро ишлаб олади.
Beko аввалдан «Барселона»нинг ҳамкори ҳисобланади. Компания логотипи жамоа асосий либосининг қўл қисмида тасвирланган, шунингдек машғулот формаларининг орқа қисмида ҳам акс этган.
Эндиликда турк фирмасининг рамзи машғулот экипировкаларининг олд томонида ҳам акс этади. Келишув ҳақидаги расмий маълумот яқин орада эълон қилинади.
