«Barselona» klubi Turkiyaning Beko kompaniyasi bilan hamkorlik shartnomasini uzaytirdi.
Tomonlar uch yillik shartnoma imzolaganlar. Kelishuv shartlariga ko‘ra kataloniyaliklar klubi ushbu vaqt davomida 57 mln yevro ishlab oladi.
Beko avvaldan «Barselona»ning hamkori hisoblanadi. Kompaniya logotipi jamoa asosiy libosining qo‘l qismida tasvirlangan, shuningdek mashg‘ulot formalarining orqa qismida ham aks etgan.
Endilikda turk firmasining ramzi mashg‘ulot ekipirovkalarining old tomonida ham aks etadi. Kelishuv haqidagi rasmiy ma’lumot yaqin orada e’lon qilinadi.
