"Арсенал" бош мураббийи Арсен Венгер жамоанинг янги ўйинчиси Пьер-Эмерик Обамеянгни клубнинг собиқ ҳужумчиси Тьерри Анри билан таққослашларига муносбатини билдирди.
"Бу яхши таққослаш. Анри - "Арсенал" тарихидаги энг яхши тўпурар, аммо бу Обамеянг шунча гол ура олмайди дегани эмас. Нима учун йўқ?
Обамеянг тезлик ва ёриб ўтиш борасида Анрига ўхшайди. Аммо ҳозир уни клуб тарихидаги энг яхши ўйинчиси билан тенглаштиришга эрта.
Обамеянг имкониятлардан фойдаланиш қобилияти юқори. У узоқ вақтлардан буён гол уриб келяпти, бу тасодиф эмас", - дейди Венгер.