Лондоннинг «Челси» клуби бош мураббийи Антонио Конте Чемпионлар лигаси 1/8 финали доирасидаги «Барселона»га қарши учрашув олдидан фикр билдирди.
«Шубҳасиз, гап катта ўйин ҳақида кетмоқда. Бундай рақиб билан ўнаш - биз учун катта синов. Бу фантастик жамоа, энг яхшилардан бири.
Бизни айнан шундай ўйинлар завқлантириши керак. «Челси»га оғир бўлади, қайтараман биз фантастик ўйинчилар ҳақида гапиряпмиз - Месси, Иньеста, Суарес ва бутун жамоа.
Биз ўйинни аутсайдер сифатида бошлаймиз. «Барселона» - қоғозда кейинги босқичга чиқиш учун фаворит. Шу сабабли бу учрашувдан хурсанд бўлишимиз керак.
Бу ўйинга яхши тайёрландик. Осон бўлмайди. Биз мавсумни ажойиб ўтказаётган, чемпионатда етакчилик қилаётган, кубок финалига чиққан жамоага қарши ўйнаймиз», - дейди Конте.
