Кириш Регистрация
19/12 01:30 Вильярреал 1-1 Райо Вальекано
19/12 01:30 Эспаньол 1-1 Валенсия

Осиё чемпионати. Икки нафар курашчимиз финалда!

Баҳо:
+ | -

Қирғизистон пойтахти Бишкек шаҳрида спорт курашлари бўйича Осиё чемпионати бошланди.

Юнон-рум кураши бўйича баҳсларда иштирок этаётган икки нафар спортчимиз рақибларини мағлубиятга учратиб, финал йўлланмасини қўлга киритди.

Бунгача -59 кг вазн тоифасида жангларда қатнашган Елмурат Тасмуродов ушбу қитъа биринчилигида -63кг вазн тоифасида жанглар ўтказмоқда.

Риодаги Олимпия ўйинлари совриндори мусобақадаги илк жангида ҳиндистонлик рақибини 8:0 ҳисобида мағлубиятга учратди. Ярим финалда эса жаҳон чемпионати кумуш медали соҳиби ҳисобланган қозоғистонлик Мейрамбек Айнагуловни 13:8 ҳисобида мағлубиятга учратди. Шуни алоҳида қайд этиб ўтиш лозимки, жанг якунланишига 1,5 дақиқа қолганида  спортчимиз 1:8 ҳисобида имкониятни бой бераётганди. Муҳим паллада у вазиятни ўз томонига оғдира олди ва финал йўлланмасини қўлга киритди.

Унинг финалдаги рақиби бироздан сўнг маълум бўлади.

-130кг вазн тоифасида жангларда иштирок этаётган Мўминжон Абдуллаев эса дастлабки жангида мезбонлар вакили Рамоновдан 7:1 ҳисобида устун келди. Ярим финалда эса қозоғистонлик Савенкони 8:0 ҳисобида мағлубиятга учратди. Энди у олтин медаль учун эронлик Меҳдизодага қарши гиламга чиқади.

Финал беллашувлари ҳам бугун ўтказилади.

Манба: www.olympic.uz
Киритилди: 15:34, 27.02.2018.
Ўқилди: 1946 марта.
Фикрлар: 2 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.