"ПСЖ" бош мураббийи Унаи Эмери мавсум якунида парижликлар сафини тарк этиши ҳақидаги хабарларга изоҳ берди.
"Чемпионлар лигасидан чиқиб кетганимиз учун мени танқид қилишлари - бу нормал ҳолат. Асосийси - ҳаммасини таҳлил қилиш, вазиятни ўзгартириш ва ўсишда давом этиш. Мен жамоа, клуб ҳақида ўйлаяпман. Келажак - мен учун эртага. Бизда бошқа мақсадлар бор, унга яхши тайёргарлик кўриш керак.
Мен ўз келажагим эмас, жамоа учун ташвиш чекаман. Мен "ПСЖ"га ишонаман. Бу лойиҳадаги инсонларни ўзгартириш мумкин. Ҳозир эса, бу вазифа менга худди бир умрга топширилгандай ишлаяпман", - дейди Эмери.
