“Челси” клуби дарвозабони Тибо Куртуа “Барселона”га қарши ўйиндан сўнг қандай хатоларга йўл қўйганликлари ҳақида гапирди.

“Мусобақадан чиқиб кетишга ҳақли эмасдик, деб ўйлайман. Аммо ўзимизнинг индивидуаль хатоларимиз жуда ҳам қимматга тушди.

Биринчи голда Месси зарба беради деб ўйламагандим, у кутилмаганда ўнг оёғи билан зарбай йўллади. Бу менинг хатоим эди.

Аниқ узатмаларни амалга ошира олмадик ва шунинг эвазига рақиб хатолардан сўнг гол уриб кетди. Шунчаки, омадимиз келмади, дея оламан. Дарвоза тўсинлари зарбаларимизни қайтарди. Яна айтаман индивидуаль хатолар бизга қимматлик қилди.

Мессига қарши биринчи марта ўйнаётганим йўқ, бундан олдин ҳам бу каби голларни ўтказиб юборганман. Тан олиш керак, дарвозабоннинг энг нозик томони оёқларининг ўртаси ҳисобланади. Лекин баъзан яхши сэйвларни амалга оширдим, бироқ, тўртта хатодан кейин тўртта гол ўтказиб юбордик”, – дейди Куртуа.