Европа лигасининг нимчорак финал босқичи якунига етди. Бугун мусобақанинг чорак финал босқичига қуръа ташланади. Қуръа ҳақида фойдали маълумотларни эътиборингизга ҳавола қиламиз.

Чорак финалга чиққан жамоалар
"Арсенал" (Англия)
"Атлетико" (Испания)
"Зальцбург" (Австрия)
"Лацио" (Италия)
"Олимпик" (Франция)
"РБ Лейпциг" (Германия)
"Спортинг" (Португалия)
ЦСКА (Россия)

Қачон ва қаерда?
Чорак финалга қуръа ташлаш маросими бугун, 16 март куни УЕФА қароргоҳи жойлашган Швейцариянинг Ньон шаҳрида бўлиб ўтади. Маросим Тошкент вақти билан 17:00да бошланади. Ушбу тадбирдан 1 соат аввал эса Европа чемпионлар лигасининг чорак финал босқичига қуръа ташлаш маросими бўлиб ўтади.

Қуръа механизми
Қуръадан олдин жамоалар саватчаларга ажратилмайди. Қуръа "кўр-кўрона" тамойили асосида ўтказилади. Бир мамлакат жамоалари ўзаро тўқнаш келишлари мумкин. Қуръа жараёнида номи биринчи чиққан жамоа чорак финалнинг дастлабки баҳсини ўз майдонида ўтказади.

Қуръани қаерда томоша қилиш мумкин?
UZREPORT TV ва FUTBOL TV қуръа маросимини жонли эфирда трансляция қилишни режалаштирган.

Қуръа жараёнида кимлар иштирок этади?
УЕФА масъул ходимларидан ташқари Европа лигаси финали элчиси — Эрик Абидаль.

Ўйинлар қачон ўтказилади?
Дастлабки ўйинлар 5 апрель, жавоб баҳслари эса 12 кунлари бўлиб ўтади. Тўлиқ тақвим қуръадан кейин аниқ бўлади.

Навбатдаги ўйинлар:
Чорак финал: 5 ва 12 апрель
Ярим финалга қуръа: 13 апрель
Ярим финал ўйинлари: 26 апрель ва 3 май
Финал: 16 май, чоршанба, Лион, "Стад-де-Лион" стадиони