Yevropa ligasining nimchorak final bosqichi yakuniga yetdi. Bugun musobaqaning chorak final bosqichiga qur’a tashlanadi. Qur’a haqida foydali ma’lumotlarni e’tiboringizga havola qilamiz.

Chorak finalga chiqqan jamoalar
"Arsenal" (Angliya)
"Atletiko" (Ispaniya)
"Zalsburg" (Avstriya)
"Lasio" (Italiya)
"Olimpik" (Fransiya)
"RB Leypsig" (Germaniya)
"Sporting" (Portugaliya)
SSKA (Rossiya)

Qachon va qayerda?
Chorak finalga qur’a tashlash marosimi bugun, 16 mart kuni UYEFA qarorgohi joylashgan Shveysariyaning Nyon shahrida bo‘lib o‘tadi. Marosim Toshkent vaqti bilan 17:00da boshlanadi. Ushbu tadbirdan 1 soat avval esa Yevropa chempionlar ligasining chorak final bosqichiga qur’a tashlash marosimi bo‘lib o‘tadi.

Qur’a mexanizmi
Qur’adan oldin jamoalar savatchalarga ajratilmaydi. Qur’a "ko‘r-ko‘rona" tamoyili asosida o‘tkaziladi. Bir mamlakat jamoalari o‘zaro to‘qnash kelishlari mumkin. Qur’a jarayonida nomi birinchi chiqqan jamoa chorak finalning dastlabki bahsini o‘z maydonida o‘tkazadi.

Qur’ani qayerda tomosha qilish mumkin?
UZREPORT TV va FUTBOL TV qur’a marosimini jonli efirda translyasiya qilishni rejalashtirgan.

Qur’a jarayonida kimlar ishtirok etadi?
UYEFA mas’ul xodimlaridan tashqari Yevropa ligasi finali elchisi — Erik Abidal.

O‘yinlar qachon o‘tkaziladi?
Dastlabki o‘yinlar 5 aprel, javob bahslari esa 12 kunlari bo‘lib o‘tadi. To‘liq taqvim qur’adan keyin aniq bo‘ladi.

Navbatdagi o‘yinlar:
Chorak final: 5 va 12 aprel
Yarim finalga qur’a: 13 aprel
Yarim final o‘yinlari: 26 aprel va 3 may
Final: 16 may, chorshanba, Lion, "Stad-de-Lion" stadioni