"ПСЖ" президенти Носир Ал Ҳелайфий ва спорт ишлари директори Антеру Энрике ўтган ҳафтдада Бразилияга - Неймарнинг хайрия ташкилоти очилишига бордилар.

Бу расман. Аслида клуб хўжайини ва дирктор футболчини париликлар сафида қолишга кўндиргани бордилар. Футболчининг агентлари пайтдан фойдаланиб унинг ҳафталик маошини 1 миллион еврога оширилишини талаб қилдилар. Неймар амалдаги шартнома бўйича беш йилда 264 миллион олади. "ПСЖ" бу маълумотларни инкор қилмоқда.

Францияликларни "Реал"нинг қизиқиши ташвишга солмоқда. Мадридликлар президенти Флорентино Перес яқинда Неймарни ўз жамоаси сафида кўришни истаётгани ҳақида айтган эди: "Реал"да "Олтин тўп"ни қўлга киритиш осонроқ. Биз бунин учун футболчига керакли нарсани тақдим қиламиз".

UOL манбаларининг маълум қилишича, Неймар дўстларига Франциядан кеткиси келаётганини айтган. Бунга қуйидаги сабаблар бор:

• Францияда унинг оёғига кўпроқ зарба берилмоқда - бир ўйинда ўртача 5,2 фол. Ла лигада бошқачароқ эди - 1 ўйинда 3,5 та фол. Бу Неймарга ёқмаяпти.

• Францияда ҳакамлар қўпол ўйинларга рухсат берадилар. Бу Неймарга ёқмаяпти.

• Францияда майдонлар ёмон. Чимни бўйи баландроқ. Бу Неймарга ёқмаяпти, "ПСЖ"нинг бошқа ўйинчилари каби.

• Автобус сайрлари. "ПСЖ"нинг кўп рақиблари Париждан унча узоқда эмас. Шунинг учун амоа ўйинларга автобусда боради. Бу Неймарга ёқмаяпти.

• Ўйин арафасида меҳмонхонада жойлашиш. "Барселона"да жамоа ўйин куни йиғилган. Бу Неймарга ёқмаяпти.

• Жамоадаошлари ва мухлислар билан зиддият. Мухлислар уни қўллаб-қувватламайдилар. Бу Неймарга ёқмаяпти.

AS, хабарига кўра, футболчининг отаси "Реал" вакиллари билан март ойи ўрталарида учрашган. Мадридликлар Неймарни жаҳон чемпионатигача ўз сафларига қўшиб олмоқчилар.