Янги мавсумга жиддий тайёргарлки кўраётган Жиззахнинг “Сўғдиёна” жамоаси кеча ўз майдонида илк бор халқаро ўйинда майдонга тушди. Қўшни Қозоғистон давлатидан ташриф буюрган ва мамлакат аёллар чемпионати олий лигасининг етакчиларидан ҳисобланган “Оқжетпес” жамоасига қарши кечган ўйинда тажриба ўз сўзини айтда - қозоғистонликлар 2:0 ҳисобида ғалаба қозонишди.

Аслида Европа футболи ҳавосини олган тажрибали рақиб билан тенгма-тенг кураш олиб борган жамоа аъзолари томошабинларда илиқ таассурот қолдирганлиги бор гап. Урашувнинг 3 дақиқасидаёқ ўз дарвозасидан гол ўтказганига қарамай, жиззахлик қизлар рақибга ташаббусни бермасликка интилишди.

Биринчи бўлим давомида асосан рақиб хужумларини бартараф этиш  ва тўп назоратини ўзида сақлашга интилган Шерали Бобоқулов шогирдлари иккинчи бўлимда ўзгача ўйин кўрсатишди. Қанотлар ва марказдан хужумлар ташкил этилди. Бир неча маротаба жарима зарбалари орқали рақиб  дарвозаси олдида хавфли вазиятлар юзага келтирилди. Аммо тажриба яна ўз сўзини айтди. Қозоғистонликлар 68-дақиқада иккинчи голни ҳам уришга муваффақ бўлишди.

Асосан 19-23 ёшгача бўлган маҳаллий футболчилардан иборат “Сўғдиёна” кучли легионерларни таркибда жамлаган рақибга қарши мардонавор ўйин кўрсатди...

«Сўғдиёна» - «Оқжетпес» (Қозоғистон) - 0:2

Ҳакамлар:  Музаффар Файзуллаев, Каттабек Абдураҳимов, Ферузбек Ғаниев.

Голлар: Ольга Осипян (3), Зарина Шмит (68).

Огоҳлантириш: Шахло Қодирова (19).