"Челси" дарвозабони Тибо Куртуа голландиялик мутахассис Луи ван Галга жавоб қайтарди.

Ван Гал ЕЧЛ 1/8 финалда "Барселона"га қарши ўйинда (0:3) оёқлари орасидан Мессининг икки голини ўтказиб юборгани учун лондонликлар посбонини танқид қилган эди.

"Унга ўхшаган "эксперт"ларнинг фикрини эшитсам, уларнинг дарвозабонлар ҳақида ҳеч қандай тасаввурга эга эмасликларини тушунаман. Масалан, Ван Гал дарвозабонлар ҳақида гапирмасин. Мен ўз ишимни яхши бажаряпман ва жаҳон чемпионатига тайёрланяпман.

Мен Мессига қарши биринчи марта ўйнаётганим йўқ, у ҳам оёқларим орасидан биринчи марта гол урагани йўқ. Менинг бўйимдаги дарвозабон учун бу нозик жой. Бундай голлар уятли, аммо буни қабул қилиш керак. Эркак сифатида хатомни тан оламан", - дейди Куртуа.