АГМК футбол жамоаси янги мавсум бошланиши олдидан ўз сафига қўшиб олган футболчиларни жамоатчиликка таништирди. Маросимда клуб бош мураббийи Виктор Кумыков, клуб раҳбарияти ва футболчилар иштирок этишди. Тадбир давомида улар мавсумолди йиғинларининг натижалари ҳамда янги мавсумда қўйилган режалари билан ўртоқлашишди. Маросимнинг иккинчи қисмида жамоанинг янги формаси ҳам намойиш этилди. Ушбу мавсумда футболчилар майдонга қора ва сариқ рангларда чиқишади.
Клубнинг нафақат формасида, балки таркибда ҳам катта ўзгаришлар рўй берди. Жамоага 10 нафар янги ўйинчи қўшиб олинди. Улардан 4 нафари легионерлар – дарвозабон Павел Матяш, хужумчи Вадим Чемыртан, ҳимоячи Владимир Бубанья ва ярим ҳимоячи Йован Жокич, ҳамда Ўзбекистоннинг бошқа клубларидан – хужумчи Абдумалик Абдуллаев, ярим ҳимоячилар Отабек Зокиров, Музаффаржон Музаффаров, Иброхим Нумонов ва ҳимоячилар Кахрамон Баходиров ва Жавлон Гусейновлар.
