Бугун тарбияланувчиларимиздан иборат жамоаларимиз Қатарга жўнаб кетишди. Ёш футболчиларимиздан иборат делегациямиз Тошкент-Истанбул-Доҳа ҳаво йўнлиши бўйича Қатарга боришади.

Қатарнинг дунёга машҳур “Aspire” академияси Осиёнинг энг яхши академиялари тарбияланувчиларидан иборат жамоалар ўртасида мусобақа ташкил этган.  Мазкур мусобақага 2017 йил якунига кўра, Ўзбекистоннинг энг яхши академияси сифатида эътироф этилган “Насаф” футбол мактаби ҳам иштирок этади

Мусобақада футбол мактабимизнинг 2000 йилда туғилган тарбияланувчиларидан иборат жамоамиз (мураббийлар: Нурали Султонов, Насим Шойимов), 2001-2002 йилда туғилганлар жамоамиз (мураббий: Павел Кшнякин) ва 2003 йилда таваллуд топган тарбияланувчиларимиздан иборат жамоамиз (мураббий: Умар Раҳматуллаев ва Жасур Ибрагимов) иштирок этишади. Жамоаларнинг ҳар бири 16 нафар ёш футболчиларимиздан иборат. Шунингдек жамоаларимизга, ёш дарвозабонлар мураббийи Михаил Наумов ҳамда шифокор Суннат Сахаддиновлар ҳамкорлик қилишади.

Қатардаги мусобақа 1-4 апрел кунлари бўлиб ўтади. Ҳар бир ёш тоифасидаги жамоаларимиз 2тадан учрашув ўтказишади. Шунингдек жамоаларимиз Қатарлик тенгдошлари билан биттадан ўртоқлик учрашувларида ҳам майдонга тушишади.

Делегацияга футбол мактабимиз директори Сергей Кучеренко раҳбарлик қилмоқда.