Бироз олдин якунланган Испания чемпионати 31-тури дорасидаги «Барселона» ҳамда «Леганес» ўртасидаги баҳсда мезбонлар 3:1 ҳисобида ғалаба қозонишди. Каталонияликларнинг учта голига ҳам Лионель Месси муаллифлик қилди.
Бу аргентиналик футболчининг умумий фаолиятидаги 45 «Барселона» таркибидаги 40-хэт-триги бўлди. Лео 29 марта Испания чемпионати, 7 марта еврокубоклар, уч марта Испания кубоги ва бир марта Испания супер кубоги ўйинларида бу ушни амалга оширган.
Месси бу натижаси билан Испания футболида 40 марта хэт-трик амага оширган иккинчи футболчига айланди. Олдинроқ Криштиану Роналду бу ишни уддалаган. Унинг ҳисобида 44та хэт-трик мавжуд.
