"Реал" яримҳимоячиси Лукас Васкес ЕЧЛ яримфиналида "Бавария" устидан сафардаги ғалабадан сўнг (2:1) фикрларини билдирди.
"Яхши натижага эришиш қийин бўлишини билар эдик. Голли узатмам? БУ яхши қарши ҳужум бўлди, Марко Асенсио менга тўп узатди, унга жавоб тариқасида тўп узатдим, у ҳаммасини идеал равишда якунлаб қўйди.
Жамоадошларимнинг ёрдами туфайли ҳимоянинг ўнг қанотида осонроқ ўйнаяпман. Рибери - яхши ўйинчи, у 35 ёшда, аммо 25 яшардек кўринади.
"Бавария" ўтган йилда жавоб учрашувида бизга кўп муаммо туғдирганди, шунинг учун финалга йўл олишни истасак, яна битта яхши ўйин кўрсатишимиз керак", - дейди Васкес.
