Россия терма жамоаси бош мураббийи Станислав Черчесов ЖЧ-2018 мусобақасидаги рақиби - Миср терма жамоаси ҳужумчиси Муҳаммад Салоҳ ҳақида фикр билдирди.

- Миср термасининг етакчиси Муҳаммад Салоҳни айни пайтда деярли дунёнинг энг яхши ўйинчиси деб аташмоқда.

– Қўшиламан. Охирги ўйиндан ҳам кўриниб турибди, ҳамма нарса қўлидан келади.

– Унинг "Ливерпуль"даги ўйинлари ҳақида фикрингиз. Терма жамоасида ҳам шундай ўйин кўрсата оладими?

– Фақат угина эмас, унинг атрофидаги ҳамма нарса ўзгарди. Клопп ўз жамоасини икки йил аввал қуриб бўлган, Салоҳга қулай бўлмоқда. У яхши жамоага тушди, унга у ер ёқяпти, уни ҳамма тушунади, у ҳаммани тушунади, унга ишонадилар. Коутиньо кетганидан сўнг Салоҳ ўзини ҳақиқий етакчидек ҳис қиляпти. Бунинг устига тезлик, техника, иқтидор.

– Миср терма жамоасида бундай бўлмайдими?

– Сал бошқачароқ. Миср термаси бош мураббийи ктор Купернинг футболи бошқачароқ. Гап Салоҳнинг "Ливерпуль"да ҳимоя ишларидан озод қилинишида эмас, унга тўпни қандай тезликда етказишларида. У Миср термасида тўпни "Ливерпуль"дагидан кўра бир сония кечроқ қабул қилади. Бу сония кўп нарсани ҳал қилади", - дейди Черчесов.