«Бавария» бош мураббийи Юпп Хайнкес Европа чемпионлар лигасининг ярим финал босқичи доирасида "Реал"га қарши бўладиган жавоб баҳси олдидан матбуот анжуманида иштирок этди.

Ҳакамлар ҳақида
«Умид қиламан, ҳакам ўйинни холис ва бахато бошқаради. Ўйин тақдирини ҳакамлар эмас, футболчилар ҳал қилишидан умидворман».

«Реал»га қарши муваффақиятсиз ўйинлар серияси ҳақида
«Мадрид»га қарши ўйинларда неча марта мағлубиятга учраганимиз аҳамиятга эга эмас, сабаби мен бунгача «Бавария» бош мураббийи эмасдим. Эртага бошқа ўйин бўлади. Қолгани муҳим эмас. Бу биз учун қийин ўйин бўлади, шунингдек, «Реал»га ҳам. Учрашув муҳити қайноқ бўлади, аммо футболчиларим катта тажрибага эга. Биз амалдаги чемпионга қарши ўйнаймиз, шу боис, ремонтадани амалга ошириш янада қийинроқ бўлади. Улар муҳим ўйинларда яхши ўйнашга кўникишган, аммо биз мураккаб рақиб бўламиз. Сабаби, биз шундай ўйинларда улғаямиз. Финалга чиқишни истаймиз. Футболда тоғни қайириш мумкин. Биз буни амалга оширишга ҳаракат қиламиз».

Муҳим вазият ҳақида
«Биринчи ўйинга нисбатан самаралироқ ҳаракат қилишимиз керак эди. Мюнхендаги ўйинда улар 3та вазият яратиб, иккита гол уришди. Мавсум давомида кўплаб голлар уряпмиз. Шу томонлама биз ажралиб турибмиз. Бу ҳаммасидан муҳимроқ».

Қўрқув ҳақида
«Ўз жамоамга ишонаман. Балансни топишимиз ва ҳар бир вазиятда нима қилиш кераклигини билиш учун хотиржамликни сақлашимиз лозим».

Пенальтилар серияси ҳақида
«Буни ҳам машқ қилишимиз керак, лекин ўйинда сенга кўп нарсалар таъсир кўрсатади: босим, муҳит, асаблар... Лекин 2012 йилдаги каби воқеа содир бўлса, бу мен учун аҳамиятга эга бўлмайди».

«Реал» ва Чемпионлар лигаси
«Улар Чемпионлар лигасида ғолиб чиқишга кўникишган. Бунинг учун катта маҳорат ва яхши таркибга эга бўлиш керак. Бундан ташқари, баъзи вазиятларда ва ҳакамлар борасида омад ҳам кулиб боқиш керак…».