“Ливерпуль” клуби “Рома”га қарши жавоб ўйинида 2:4 ҳисобда мағлубиятга учради, лекин умумий ҳисобга кўра финалга йўл олди.
“Ливерпуль” ўз тарихи давомида 8 марта Европа Чемпионлар Лигаси финалида иштирок этади.
Gracenote Live хабарига кўра, “Ливерпуль” финалга чиқиш борасида “Барселона” билан тенглашиб олган.
Бу жамоалардан ташқари ЕЧЛ финалига “Ювентус” (9), “Бавария” (10), “Милан” (11) ва “Реал” (16) марта финал иштирокчисига айланган.
Шуни қайд этиш жоиз, “Ливерпуль” айнан кетма-кет 3-марта финалга чиқган “Реал”га қарши ўйнайди.
Маълумот учун, “Ливерпуль” 8 марта финалда қатнашиб, 1976/77, 1977/78, 1980/81, 1983/84, 2004/05 йил мавсумларда ғалаба қозонган ва 1984/85 ва 2006/07 мавсумларда имкониятни бой бериб қўйган.
