Европа чемпионлар лигаси тарихида мухлисларнинг стадионга ташрифи борасида янги рекорд ўрнатилди. Бу ҳақда УЕФА матбуот хизмати хабар тарқатди.

Ярим финал доирасида "Олимпико" стадионида бўлиб ўтган "Рома" - "Ливерпуль" баҳсини 61889 ишқибоз стадиондан кузатиб борди. Натижада Чемпионлар лигаси ташкил этилган 1992/93 йилги мавсумдан бери энг юқори натижа қайд этилди. Ҳозирда ўтказилган 124та ўйинга (гуруҳ босқичидан бошлаб финалгача) жами 5683357 нафар мухлис ташриф буюрган. Бу эса ҳозирча рекорд бўлиб турган, 2013/14 йилги мавсумда қайд этилган натижадан яхшироқдир. Ўша мавсумда финал баҳсини қўшиб ҳисоблаганда, жами 5676953 нафар мухлис ўйинларни жонли равишда кузатиб борган.

Бундан 4 йил аввал ЕЧЛ ўртача ташриф 45416 нафар мухлисни ташкил қилганди. Ушбу мавсумда эса мазкур натижа 45834 нафарни ташкил қилмоқда. 26 май куни бўлиб ўтадиган финал учрашувини Киевдаги стадионда 63 минг мухлис кузатиб боради.

Агар Европа кубогини эсга оладиган бўлсак, ушбу мусобақада ўртача мухлис ташрифи айхонда 40 мингни ташкил этган. Фақат 1959/1960 йил мавсумида ҳар бир ўйинга ўртача мухлис ташрифи 49926 нафардан иборатб бўлиб, 125 ўйинни 6240790 нафар мухлис стадионда кўрган. Бу эса юқорида таъкидлаб ўтилган янги рекорддан ҳам кўпроқ, дейилади хабарда.