Зидан бошчилигидаги "Реал" учун Испания чемпионатининг ушбу мавсуми муваффақиятсиз чиқди. Жамоа сўнгги турда "Вильярреал"ни мағлуб эта олмади. Натижада "Қироллик клуби" 2017/2018 йилги мавсумда клуб тарихидаги сўнгги 11 йилдаги энг ёмон бир нечта антирекордлар такрорлади.

"Мадрид" ушбу мавсумда 76 очко жамғарди. Жамоа бундай кам очколарни 2006/2007 йилги мавсумда тўплаганди. Шунга қарамай, "Реал" ўша мавсумда чемпионликни қўлга киритган. "Қаймоқранглилар" кейинги мавсумларда бундан кўпроқ очко жамғариб келишган.

Зидан жамоаси ушбу мавсумда Ли лигада 3-ўринни эгаллади. Сўнгги 12 мавсумда клуб фақат бир мартагина 2-ўриндан пастга тушган — 2013/2014 йилги мавсумда. Ўша йил "Реал" 87 очко билан 3-поғонани банд этганди.

Ушбу мавсумда "Реал" чемпион жамоа ("Барселона")дан 14 очко ортда қолмоқда. Каталонияликлар бугун бўлиб ўтадиган "Реал Сосьедад"га қарши сўнгги тур баҳсида ғалаба қозонса, "Реал" билан фарқни 17тага етказишади. XXI асрда мадридликлар азалий рақибидан бунча кўп ортда қолиб кетишмаганди. 2013/2014 йилги мавсумда жамоа "Барса"га нисбатан 15 очко кам жамғарган.

"Реал Мадрид" очколар жамғариш бўйича энг ёмон натижани 2005-2006 ва 2003/2004 йилги мавсумларда қайд этган бўлса (70 очко), 2002-2003 йил мавсумида жамоа 4-ўринни банд этган.

2017-2018 — 76 очко (3-ўрин)
2016-2017 — 93 очко (чемпион)
2015-2016 — 90 очко (2-ўрин)
2014-2015 — 92 очко (2-ўрин)
2013-2014 — 87 очко (3-ўрин)
2012-2013 — 85 очко (2-ўрин)
2011-2012 — 100 очко (2-ўрин)
2010-2011 — 92 очко (2-ўрин)
2009-2010 — 96 очко (2-ўрин)
2008-2009 — 78 очко (2-ўрин)
2007-2008 — 85 очко (чемпион)
2006-2007 — 76 очко (чемпион)
2005-2006 — 70 очко (2-ўрин)
2004-2005 — 80 очко (2-ўрин)
2003/2004 — 70 очко (4-ўрин)
2002/2003 — 78 очко (чемпион)
2001/2002 — 66 очко (3-ўрин)