"Манчестер Сити" ҳужумчиси Раҳим Стерлингнинг оёғига чиздирган татуировкаси ҳаммага ҳам ёқмади. Унда тасвирланган автомат учун уни Англия терма жамоасидан четлатишини талаб қилишди.
"Оналар қуролга қарши" ташкилотининг аъзоси 63 ёшли Люси Коуп бу татуировкани шарманда деб атаган, бошқаларга ёмон ўрнак бераётганини таъкидлаган ва уни ўчирмаса футболчини Англия терма амоасидан четлатилишини айтган.
Раҳми Стерлинг эса татуировкасининг маъносини айтиб берди:
"Икки ёшлигимда отамни отиб кетишган. Мен ўзимга ҳеч қачон қўлимга қурол олмасликка ваъда берганман. Мен ўнг оёғим билан отаман, шунинг учун бу чуқур маънога эга".
