"Манчестер Сити"нинг соббиқ яримҳимоячиси Яҳё Туре жамоа бош мураббийи Хосеп Гвардиолани кескин танқид қилди

"Пеп устун бўлишни севади ва унга бўйсунадиган ва қўлини ўпадиган ўйинчиларга эга бўлишни истайди. Мен ўз мураббийимни ҳурмат қиламан аммо унинг буюми эмасман.

Бошқа ўйинчилар сингари мураббийлар билан тортишганман, аммо бир-бирини тушунмаган одамлар ҳам муросага келадилар. Пеп билан бу мумкин эмас, у ўта қаттиққўл.

Пеп Манчестерга келган заҳоти мен унга ёшларни тарбиялашим учун кераклигимни айтди. Бошқа вариантларим бўлса ҳам, клуб афсоналари орасидан жой олишни ўйладим. Ўтган ёзда Гвардиола мендан қолишимни сўраганда ҳам шундай бўлган эди.

Мен кетгандан сўнг у кийиниш хонасидаги бошқарувни йўқотишдан қўрққандир, чунки мен ўйинчилар орасида қандайлигимни билар эди. Трансфер ойнаси ёпилгач, мени жамоадан четлатишди.

Мен мендан қасос олишни истаган одам билан бирга ишладим, деб ўйлайман. Бунинг нима учун эканлигини билмайман. Менда шундай таассурот уйғондики, у менга худди ҳасад қиларди, мени рақиб деб билар эди.

Бир биримизга ғалати муносабатда эдик. У менга ҳеч нарса демасдан, кузатганча, баҳо берганча, атрофимда айланар эди. У менинг каталан, испан ва инглиз тилида гаплаша олишимни билса ҳам. Бу нарсалар иккимизнинг суҳбатимиз учун етарли бўлиши керак эди... Аммо, қаёқда?

Доим дуч келганимизда у хижолат тортар эди. Худди мен уни уятчан қилиб қўйгандай.

Гвардиола мағрур инсон сифатида бошқалар эмас, фақат ўзи танлаган ўйинчилар билан муваффаққият қозонишни истар эди. Бу унинг лойҳаси эди. Бу лойиҳага тегишли бўлмаганларнинг аҳволи вой.

Гвардиола ҳақидаги афсоналарни чиппакка чиқармоқчиман. У "Барселона"ни тузмаган. У Кройф қурган жамоага молаша олди, холос. Кейин "Бавария" ва "Сити", фақат талабчанлик билан: у ўзи танлаган ўйинчилар ва беҳисоб маблағлар эвазига. Бу нарса "Кристал Пэлас" ёки "Уотфорд"да иш бермайди.

Мен учун Зидан зўрроқ, чунки унда талаблар кам, у ҳамма ўйинчиларга катта ҳурмат билан ёндошади. Пеп ўзини даҳо деб билишларини истайди, бу унга ёқади, аммо бунинг ортида комедия ётади. У образ тўқийди. Мен унинг бутун ўйин давомида бошини қашиганини кўриб, ўзини фикрлаётгандай кўрсатишга уринишларига қараб кулгум қистайди. Бу комедия

Пеп иккиюзламачи эди, мени мақтар, аммо мен бунга йўл қўйиб берар эдим. Аммо бошимни юқори кўтариб, ортиқча маросимларсиз кетишни истардим.

Менга шундай туюляптики, Пеп беҳурматларча менинг жамоадаги охирги мавсумимни бузиш учун ҳамма нарса қилган. Бу жамоада 8 йилимни ўтказганимни ўйласам, хафа бўлиб кетаман.

Пеп менинг ажойиб мухлисларга эга жамоам билан хайрлашувимни ўғирлаган. Мен ҳам худди Иньеста ва Буффон каби ҳиссиётлар билан кетмоқчи эдим. Аммо Пеп бунга ҳалақит берди.

Энг ёмони -ўзим севган жамоадан кетаётганимдан бахтиёр эдим. Мухлислар билан хайрлашаётиб йиғладим, чунки бу мараббийни бошқа кўргим келмаётган эди", - дейди Туре.

Туре ўтган мавсумда АПЛда фақат 10та ўйинда иштирок этди.