Англия терма жамоаси посбони Жордан Пикфорд қуйи лигаларда ўйнаш унинг учун тажриба майдони бўлганини айтди.
"Мен премьер-лигада 200дан ортиқ ўйин ўтказганман - тажрибам кўпчилик ўйлаганидан кўпроқ. Қуйи лигалар яхши ёрдам берди.
Англия терма жамоасида қанча мумкин бўлса - шунча ўйнашни истайман. Сенга ишонч билдирсалар, бунга етадиган туйғу йўқ. Футболда бир марта имконият берилади. Буни тушунишим керак.
Руни? У билан биринчи марта терма жамоа автобусида учрашганман. Мен ёш йигит эдим ва Англия тарихидаги энг яхши тўпурар ва сардорга яқин ўтиргандим. Ким ҳаяжонланмайди дейсиз?
Унга қарама-қарши томонда ўтиргандим. Уэйн ажойиб инсон, ундан ўрганиш мумкин. У билганларини ўргатишга ҳар доим вақт топар эди. Россияда ўтган мундиалда у менга далда бериб турди", - дейди Пикфорд.
