Иш бор жойда, камчилик бор, дейишади ҳурматли мухлислар, биз сизларнинг сайтимизда кўриб турганимиздан бағоятда хурсандмиз.
Аммо шу кунлар хабарлар остида турли хил негатив фикрларни ҳам кўриб боряпмиз.
Мухлис сифатида сайтимиз фаолиятига беэътибор эмас экансиз, унда ўз таклифларингиз ва сайт камчиликларини шу хабар остида ёзиб қолдиришингиз мумкин. Биз сайт ходимлари ушбу камчиликларни албатта, бартараф этамиз.
Ушбу хабар остида фикр қолдира олмаган мухлислар +998979663232 телефон рақами ёки ушбу Телеграм манзил орқали боғланиши мумкин.
Шунингдек, Stadion.uz сайтининг Телеграмдаги мухлислар гуруҳига уланиб, ўз фикрларингизни билдиринг. Гуруҳга уланиш.
Сизларни сайтимизда кўриб турганимиздан яна бир бор хурсандмиз.
Дарвоқе, бугун Сурхондарё вилояти Термиз шаҳрида яшайдиган Исмоил Амонов томонидан билдирилган мурожаат бажарилади. Кўз бўйича 1-гуруҳ ногирони бўлган акамиз Futbol TV телеканалининг кунлик кўрсатувлар тартибини ёзма равишда сайтга юклашни сўраган эдилар.
Биз Stadion.uz ходимлари ҳар бир мухлис илтимосини инобатга олган ҳолда, 1-навбатда шу ватандошимизга хизмат кўрсатишни бошладик.
Албатта, қолган эътироз ва таклифлар ҳам вақт ўтган сари амалга оширилади. Бизга бўлган ишонч учун миннатдорчилик билдирамиз.
