Бугун, 30 август куни Монакода Европа чемпионлар лигаси 2018/2019 мавсумининг гуруҳ босқичига қуръа ташлаш маросими бўлиб ўтади. Ушбу маросим ҳақида фойдали маълумотларни эътиборингизга ҳавола қиламиз.
Саралаш босқичи ҳақида
Хабарингиз бор, ушбу мавсумда саралаш босқичи янги форматда ўтказилди. Яъни 26та клубга тўғридан-тўғри гуруҳ босқичи йўлланмаси тақдим этилган бўлса, қолган 6та йўлланма эгаси саралаш босқичи орқали аниқланди.
Саватчалар таркиби ҳақида
Қуръадан олдин жамоалар 4та саватчага тақсимланади. Биринчи саватчадан ЕЧЛ ва Европа лигасининг амалдаги ғолиби ҳамда УЕФА рейтингида юқори ўринни эгаллаган 6та мамлакатнинг чемпионлари ўрин олишади.
1-саватча: «Реал», «Атлетико», «Барселона», «Бавария», «Манчестер Сити», «Ювентус», «ПСЖ», «Локомотив»;
2-саватча: «Боруссия» Дортмунд, «Порту», «Манчестер Юнайтед», «Шахтер», «Бенфика», «Наполи», «Тоттенхэм», «Рома»;
3-саватча: «Валенсия», «Ливерпуль», «Аякс», «Шальке», «Лион», «Монако», ЦСКА, ПСВ;
4-саватча: «Црвена Звезда», «Виктория» Пльзень, «Брюгге», «Галатасарой», «Янг Бойз», «Интер», «Хоффенхайм», АЕК.
Қачон ва қаерда?
Европа чемпионлар лигаси гуруҳ босқичига қуръа ташлаш маросими бугун Тошкент вақти билан 21:00да бошланади. Тадбир FUTBOL TV орқали жонли эфирда намойиш этилади.
Қуръа тартиби ҳақида
Битта саватчадан ўрин олган жамоалар бир гуруҳдан ўрин олишмайди. Шунингдек, бир мамлакат вакиллари битта гуруҳдан ўрин олишмайди. Улар турли гуруҳлардан ўрин олишади.
Қуръа ташлаш маросимида қуйидаги номинациялар бўйича ғолибларга совринлар топширилади.
— Мавсумнинг энг яхши футболчиси;
— Мавсумнинг энг яхши аёл футболчиси;
— ЕЧЛ-2017/18нинг энг яхши дарвозабони;
— ЕЧЛ-2017/18нинг энг яхши ҳимоячиси;
— ЕЧЛ-2017/18нинг энг яхши ярим ҳимоячиси;
— ЕЧЛ-2017/18нинг энг яхши ҳужумчиси;
Мавсум тақвими
Гуруҳ босқичи
1-тур — 18/19 сентябрь
2-тур — 2/3 октябрь
3-тур — 23/24 октябрь
4-тур — 6/7 ноябрь
5-тур — 27/28 ноябрь
6-тур — 11/12 декабрь
Нимчорак финалга қуръа ташлаш маросими — 17 декабрь
Нимчорак финалнинг дастлабки ўйинлари — 12/13/19/20 февраль
Нимчорак финалнинг жавоб ўйинлари — 5/6/12/13 март
Чорак финалга қуръа ташлаш маросими — 15 март
Чорак финалнинг дастлабки ўйинлари — 9/10 апрель
Чорак финалнинг жавоб ўйинлари — 16/17 апрель
Ярим финалга қуръа ташлаш маросими — 19 апрель
Ярим финалнинг дастлабки ўйинлари — 30 апрель/1 май
Ярим финалнинг жавоб ўйинлари — 7/8 май
ФИНАЛ — 1 июнь. "Метрополитано", Мадрид
