“Манчестер Юнайтед” Англия лига кубогида “Дерби Каунти”га кутилмаганда ютқазиб, мусобақани тарк этди. Мазкур мағлубиятдан сўнг #MourinhoOut хештеги Twitter’да трендга чиқди. Шунингдек, ижтимоий тармоқ трендида бир вақтнинг ўзида ушбу учрашувга доир яна 3 та: #DerbyCounty, #Lampard, #SergioRomero хештегларини кўриш мумкин.

Таъкидлаш жоизки, “МЮ” 59-дақиқага қадар ҳисобда олдинда бораётган эди, аммо “Ливерпуль”дан ижарага олинган Харри Уилсон жарима зарбасини қойилмақом тарзда бажариб, ҳисобни тенглаштирди.

“Дерби” сўнгра 85-дақиқада ҳисобда олдинга чиқиб олди. Маруан Феллайнининг қўшиб берилган дақиқаларда урган голи эвазига “Юнайтед”да умид қайта уйғонган эди. Аммо пенальтилар сериясида Фрэнк Лэмпард, жамоаси омадли иштирок этиб, “Олд Траффорд”да сенсацияли ғалабага эришди.