"Лос-Анжелес Гэлакси" ҳужумчиси Златан Ибраҳимович Европа футболига қайтиши мумкин, дея хабар беради Corriere della sera.
Манбага кўра, швед футболчисини "Милан" ўз сафига чорламоқда, Ибра 2010 дан 2012 йилгача миланликлар сафида ўйнаган. Жамоа бош мурабббийи Женнаро Гаттузо ҳужум чизиғини тажрибали, ўзига ишонган ҳужумчи билан тўлдирмоқчи. Клуб раҳбарияти мураббийга ЕЧЛ йўлланмасини қўлга киритиш вазифасини қўйган.
Ибраҳимович, 37 ёшда бўлишига қарамай яна икки йил юқори савияда ўйнай олиши мумкин. Унинг "Лос-Анжелес Гэлакси" билан шартномаси 2019 йилнинг декабригача тузилган. "Милан" уни қишки трансферлар чоғида олиб келмоқчи.
