Ўзбекистон футбол ассоциацияси томонидан 5та ёш тоифасидаги футболчилар ўртасида Ўзбекистон чемпионати ўтказилаётгани ҳақида аввал хабар бериб ўтгандик.

Бугун Ўзбекистон футбол ассоциацияси майдонида мусобақанинг финал учрашуви бўлиб ўтди. Финалда Тошкент ва Наманган жамоалари ўзаро баҳс олиб боришди. Учрашув тошкентликларнинг 2:0 ҳисобидаги ғалабаси билан якунига етди.

 Ғолиб ва совриндорларга ЎФА мутасаддилари томонидан Кубок, медаллар ва эсдалик совғалари топширилди.

Мусобақанинг кейинги босқичлари, 2003 йилда туғилган болалар ўртасида 20-25 октябрь, 2005 йилда туғилган болалар ўртасида эса 5-10 ноябрь кунлари бўлиб ўтади.