Хитой суперлигасининг 29-тури доирасида «Шангхай СИПГ» жамоаси «Бейжинг Ренье»ни 2:1 ҳисобида мағлуб этиб, мамлакат чемпионлигини қўлга киритди.
Учрашувнинг 20-дақиқасида Одил Аҳмедов олис масофадан аниқ зарба бериб, тўпни дарвоза "тўққизлиги"га "михлаб" қўйди. Иккинчи бўлим бошида клуб тўпурари Ву Лей ҳисобдаги фарқни оширди. Ушбу турда «Гуанчжоу Эвергранд» мағлубиятга учради. Натижада, бу икки жамоа орасидаги фарқ 8 очкога етди. Чемпионат тугашига битта тур қолганида 68 очко тўплаган «Шангхай СИПГ» чемпионликни расмийлаштирди.
«Шангхай СИПГ» ўз тарихида илк марта мамлакат чемпионлигини қўлга киритди. Жамоа ўтган йили кумуш медалларни қўлга киритган бўлса, икки йил аввал бронза медалига эга чиққанди. Бундан аввал «Гуанчжоу Эвергранд» клуби кетма-кет 7 марта чемпионликни қўлга киритганди.
