УЕФА еврокубокларнинг тақвимига ўзгартириш киритиши мумкин. Ташкилот Чемпионлар лигаси ва Европа лигаси ўйинларини дам олиш кунларига кўчириш вариантини кўриб чиқмоқда.

Бу Европа суперлигаси мусобақаси тузилишига қарши кўрилаётган чоралардан бири экани ҳақида айтилмоқда.

Аввалроқ Football Leaks хабар тарқатиб, Европанинг бир қатор клублари Суперлига тузиш ғоясини муҳокама қилаётгани ҳақида маълумот берганди. Унда асосий 11та клуб — «Реал», «Барселона», «Манчестер Юнайтед», «Челси», «Арсенал», «Манчестер Сити», «Ливерпуль», «ПСЖ», «Ювентус», «Милан» ва «Бавария» мусобақани тарк этмайди. Меҳмон сифатида таклиф этиладиган 5та жамоа — «Атлетико», «Боруссия» Дортмунд, «Марсель», «Интер» ва «Рома» эса турнирни тарк этишдан кафолатланмайди.

УЕФА ва ФИФА раҳбарлари ушбу ғояга кескин қарши чиқишди.