Испания Ла лигасининг 13-тури доирасида "Эйбар" клуби ўз майдонида "Реал"ни йирик ҳисобда мағлубиятга учратди. Ўйиндан кейин мезбонлар бош мураббийи Хосе Луис Мендилибар ўз фикрлари билан ўртоқлашди.

Ғалаба ҳақида
«Биз яхши ўйнадик. Илк дақиқаларданоқ хавфли вазиятлар ярата бошладик. «Мадрид»га қарши ўйнаш ҳамиша қўрқинчли. Боиси, улар исталган пайтда гол уриши мумкин. Аммо бугун улар ҳеч қандай вазият ярата олишмади. Ҳисоб 3:0га етганидан кейин ғалаба қозонишимизга шубҳам қолмади. Янада кўпроқ голлар уришимиз мумкин эди. Фаол ўйин намойиш қилганимиз ғалабанинг асосий омили бўлди».

Энг яхши ғалаба ҳақида
«Балки, бу бизнинг энг яхши ғалабамиз эмасдир, аммо «Реал» устидан қозонилган ғалабани ҳамма гапиради. Албатта «Мадрид» гол ура олмагани ғалати, аммо биз ҳар томонлама тўлақонли ўйин намойиш қилдик. Яхши ҳужум қилдик, яхши ҳимояландик. Бу ғалаба ўзимизга бўлган ишончни оширишда ёрдам беради. Демак, биз тўғри йўлдан кетяпмиз».

«Реал» футболчилари кўп марта офсайдга тушиб қолгани ҳақида
«Ҳимоя чизиғимиз одатдагига нисбатан олдинроқда ўйнади. Биз рақибни офсайдга тушириб қўйиш учун эмас, юқори прессинг қўллаш учун шундай қилдик. Ҳаттоки ногиронлар аравачасидаги Рамис ҳам бизнинг энг яхши ҳимоячимиз. У жамоага ҳаёт бағишлаб туради».