Хабарингиз бор, Суперлига регламентига кўра, мавсумнинг сўнгги тур ўйинлари бир вақтда бошланиши лозим. Ўзбекистон профессионал лигаси унга амал қилган ҳолда қуйи олтиликдаги жамоаларнинг бугунги баҳсларини 16:00га белгилаганди.
Аммо Фарғонадаги "Истиқлол" стадионида бўлиб ўтаётган "Нефтчи" - "Қўқон-1912" ўйини белгиланган вақтдан 15 дақиқа кеч бошланди. Бунинг сабаби ҳозирча бизга маълум эмас.
Аммо шуниси аниқки, бу орқали Регламент қўпол тарзда бузилди. Хабарингиз бор, "Нефтчи" Суперлигани тарк этган бўлса, қўқонликлар юқори дивизионда жон сақлаб қолиш учун кураш олиб бормоқда.
Эслатиб ўтамиз, мазкур ўйинга масъул комиссар сифатида ЎзПФЛ мутахассиси Ойбек Юнусов тайинланган.
Биз ЎзПФЛдан мазкур ҳолатга изоҳ кутиб қоламиз.
