Турининг “Ювентус” еткчиси Криштиану Роналду Испания терговчилари билан солиқларни тўлашдан бош тортгани юзасидан очилган жиноят иши бўйича келишиб олишга рози бўлди.

33 ёшли португалиялик судда ўз айбини тан олади, бунинг эвазига унга 2 йиллик шартли қамоқ жазоси тайинланади, деб ёзади AS. Суд 2019 йил 14 январь куни Мадридда ўтказилади.

Аввалроқ, Роналдуга 14,7 миллион евро миқдоридаги солиқларни тўламаганлик айби қўйилган эди. У шундан 13,4 миллион еврони Испания ғазнасига қайтарди.

Роналду жиноят ишини ёпиш учун 375 минг евро ҳам тўлашга тайёр эди, аммо бу таклиф рад қилинди. Агар футболчи яна бир марта Испания қонунларини бузса, у ҳолда ҳақиқий қамоқ жазосини олиши мумкин.