Turining “Yuventus” yetkchisi Krishtianu Ronaldu Ispaniya tergovchilari bilan soliqlarni to‘lashdan bosh tortgani yuzasidan ochilgan jinoyat ishi bo‘yicha kelishib olishga rozi bo‘ldi.

33 yoshli portugaliyalik sudda o‘z aybini tan oladi, buning evaziga unga 2 yillik shartli qamoq jazosi tayinlanadi, deb yozadi AS. Sud 2019 yil 14 yanvar kuni Madridda o‘tkaziladi.

Avvalroq, Ronalduga 14,7 million yevro miqdoridagi soliqlarni to‘lamaganlik aybi qo‘yilgan edi. U shundan 13,4 million yevroni Ispaniya g‘aznasiga qaytardi.

Ronaldu jinoyat ishini yopish uchun 375 ming yevro ham to‘lashga tayyor edi, ammo bu taklif rad qilindi. Agar futbolchi yana bir marta Ispaniya qonunlarini buzsa, u holda haqiqiy qamoq jazosini olishi mumkin.