"Манчестер Юнайтед"нинг собиқ ҳимоячиси Рио Фердинанд бош мураббий Жозе Моуриньонинг истеъфоси ҳақида фикр билдирди.
"Бу иш айни вақтида содир бўлди. Вазият ўнгланмади. У ҳамма нарса қилиб кўрди. Икки ярим йил аввал Моуриньони энг кўп қўллаб-қувватлаганлардан бири бўлгандим. Унинг "МЮ"даги вазиятни ўнглашига ишонгандим.
Моуриньо мураббий сифатида кўплаб ютуққа эришганини рад тиб бўлмайди, аммо клубга янги ғояларни сингдиришнинг вақти келди. Одамлар мени телевидениедаги фикрларимни танқид қилишди, аммо мухлис сифатида айтишим мумкинки, мен ўйлаганимни гапираман. Клубга яхши туртки керак ва умид қиламанки, бу қарор бунга сабаб бўлади. Келажакда Жозега энг яхши тилакларим", - деб ёзади Фердинанд Инстаграмга.